لا شيعيَّــه إو لا سنيَّه ثوره ثوره عراقيَّه
لا كرديَّه إو لا عربيَّه ثوره ثوره عراقيَّه
** **
ثورة شباب إو أحرار ثوره ثوره عراقيَّه
جيـــــل الألفين الثوار ثوره ثوره عراقيَّه
نطلب حق ما نطلب ثار ثوره ثوره عراقيَّه
لا شرقيَّه إو لا غربيَّه ثوره ثوره عراقيَّه
** **
كلشي ألكم بـــــس إنطونه ثوره ثوره عراقيَّه
إلنه الوطن وإحنه إنصونه ثوره ثوره عراقيَّه
إخذوا إشما ردتو إو خلونه ثوره ثوره عراقيَّه
إنعيش إبإمـــــان إو حريه ثوره ثوره عراقيَّه
** **
ثورتنه ثورة هالگذله ثوره ثوره عراقيَّه
گذلتنه الأجمل والأحله ثوره ثوره عراقيَّه
گذلة فرات إوياه دجله ثوره ثوره عراقيَّه
غنَّـــــت بغداد إبحنيه ثوره ثوره عراقيَّه
ثورة شيـــاب إو شبان ثوره ثوره عراقيَّه
ثورة إنجيـــل إو قرآن ثوره ثوره عراقيَّه
بسم الوطن كلنه إخوان ثوره ثوره عراقيَّه
منده إو شبـــك وأفيليه ثوره ثوره عراقيَّه
** **
من زاخــو لحدود البصره ثوره ثوره عراقيَّه
إمن الفلوجـــه إلحدچ بدره ثوره ثوره عراقيَّه
إتغنّي إلأنبار إويه الشطره ثوره ثوره عراقيَّه
الموصل تهتف والناصريه ثوره ثوره عراقيَّه
** **
من بغـــداد إنطلقت ثوره ثوره ثوره عراقيَّه
عمت عراق الحب بسره ثوره ثوره عراقيَّه
ثورة جيل الگذله الحره ثوره ثوره عراقيَّه
إشما ننطيهه إنگول إشويه ثوره ثوره عراقيَّه
** **
ننطيهه أرواح إو ما نهتم ثوره ثوره عراقيَّه
أشما تعطش نسگيهه إبدم ثوره ثوره عراقيَّه
خله الما يعــــرف يتعلم ثوره ثوره عراقيَّه
من هالشبــــاب الثوريه ثوره ثوره عراقيَّه
** **
ثورتنه ثــــــــورة أبطال ثوره ثوره عراقيَّه
ثـــــــورة فلح وي عمال ثوره ثوره عراقيَّه
ثــورة مرأتنه أم أجيال ثوره ثوره عراقيَّه
ثورتنه ثـــــوره شعبيه ثوره ثوره عراقيَّه
** **
خلّي إعـــگالك للدگّـــــات ثوره ثوره عراقيَّه
بس للفصل والهوســــــات ثوره ثوره عراقيَّه
اليوم الگذله إلصاحت بات ثوره ثوره عراقيَّه
تلعب بالســـاحه إبثوريه ثوره ثوره عراقيَّه
** **
يا مثقفنــــه أمـــــــانه ثوره ثوره عراقيَّه
گوم شــــد حيلك أويانه ثوره ثوره عراقيَّه
إنته مرشدنه إو ضوانه ثوره ثوره عراقيَّه
إنته ... إنته الأبـــجديه ثوره ثوره عراقيَّه