حزبنه أمن الشهاده اتخذ قبله
او على خد الزمان انرسم قبله
تباهه الموت بيه او چان قبله
ذليل ايلوذ بكنار المنيه
أغار اِعليك من روحي
وأغار اٍعليك من الناس
بعد أكثر
شلت ظيم الخلگ
من ساعة الميلاد
صرت بچفوفهم رايه
أو صرت لجدامهم معبر
يا حزب الشيوعيين
يحزب الوادم الحلوين
شهم من يوم ميلادك
عزيز الصوت
أتلاوي أبشوگ چف الموت
أشلون اليوم
وأنته أسنين عمرك 91
شأوصف بيك... ماأگدر
يالبيك المثل مضروب.....
...... حلو وي طولك اِمگدر
عميد أحزاب دنيه الناس
ترف ((چاووش للعسكر ))
اِحلمت بيك ولگيتك
انته ذاك انته الأريده
حضن دافي
ذهب صافي
عالم .....ودنيه او قصيده
عالم أحلامه سعيده
يحلم ابدنيه جديده
نظرة اعيونك أماني
لافته حب..أوجريده
يا نشيد ويطرب احبابه
نشيده
انته عيد او بيك
تتباهه السنين
ويهنياله الصرت عيده
عيد ميلادك أغاني
فرحة أطفال أو تهاني
عيد ميلادك محبه
عاشر الأيام
طرز كل أغانيهه
ممحله ويوم ميلادك
خضر كل گتر بيهه
الدنيه عطشانه
او طلعتك ديم
فيض كل سواجيهه
يا ليل البنفسج
يا نبض اذار
جيتك المشاتل طيب
من دمك ترويهه
تظل الگاع ...أبد مو گاع
لوما تسحگ اِعليهه
عشگ راهب عشگت اسمك
لگيتك حب ضوه گمره
نذرت اعيوني إلك
شبّاچ للزهره
وصرت كلي........
أطوفن شوگ بالحضره
ياأول عشگ ..
وآخر عشگ بالروح
أموتن بيك.هنيالي
والف يا ريت
تلفني رايتك حمره
ابعيد ميلادك شوصف بيك
يتالي أذار
يا عبد الشيوعيين
اشما يمر بيك العمر
ترجع شباب
شباب او تو وصل عشرين
رغم عمر حبيبي
واحد او تسعين
مبروك او الف مبروك
عيد الواحد او تسعين