من ضني اشتعل وبرودتك تضحك
ومن ليلي انطفة و ما گابلتك صبحك
ومن غيرت دربك يا وكيح الراي
ماشيت الخسارة وضيعت ربحك
وانا ماي التركني هم يرد للماي
سراب الي تبعته و باجر يصيحك
علاك بوهم و خلاك تصعد فوگ
وحاسبلك وكت بس يخلص يطيحك
يل ما قدرت كل الخسرته وياك
اعوفن جرحي جنت والتهي بجرحك
ليكضك خجل وروح وين تريد
ودوس أعلى المضا وسويه الي يريحك
ما احسبك خسارة الربح عدي هواي
عرفتك نرجسي و تحب الي يمدحك
و انا بطبعبي انسجم ويه التواضع حيل
وانت بكل غرور اذم الي ينصحك
يخايب لا تضن طبعك يوصلك يوم
يم باب السعادة و يشتعل فرحك
تظل تركض عبث وادور استقرار
والايام تمشي و لازم تفضحك