إبيتنا الريفي العتيگ

سدره من أيام جدي

چنت أسميها محنه

وچانت أتسميني أمل

چانت إتسولفلي كلشي

عن أبوي الباع كلشي

وإشترى بحلمه وطن

عن أخوي الكسر خشمه الحرس قومي

وما كفر بعصابة أمي

عن أمن عينه علينه

وين مارحنه وإجينه

عن سجل إبلايه ظل

شباط .. ذاك شباط الأسود

جرح ينزف على طولك ياعراق

و (القطار) اسمه قطار

فتنه مليانه دواهي

وأنته ساهي

الماي من حدرك جرى

وصار اللي صار

ومن هذاك اليوم لليوم إنحصد

ماجناه شباط وإحنه إبلا رشد

ٱه .. من بيتي العتيگ

ٱه .. من جرحي الغميگ

سولفلي .. عن امس واليوم .. والباچر بعد

عن ضوه الفانوس وطلوگ الرعد

بلچي هذا الجيل مايخطي بعد

بلچي من تجفل يفز طير السعد