ياول صبح ماغردت فيروز
اغراب البين ينغط سمعته الكوت
كل ما رادت اتجذب اغراب البين
لاكن صدكت من شافت التابوت
وفيروز اسمعت هوسات المعزين
يل الرديت يونس من ولاه الحوت
ردنه النه سمير بجاه داحي الباب
وسمير اصبح اسير وبيد ملك الموت
اذا يقبل يبدله انبدل احنه وياه
بح صوت الشعر من راح هذا الصوت
وي اهلك سمير اتعاطفت فيروز
وللوروار كالت مانون بسكوت
خل ننعه الشعر واهل الشعر والدار
وخل تسمع بجينه الوادم من اتفوت
يل الوروار البس اسود من اتروح
وي اهل الشعر لارض النجف زاتوت
وي خيال الشعر كلوله ودعناك
يم ذي العظمه والعزه والجبروت
لان ارض النجف بس تستلم اجساد..
والارواح تصعد عالم الملكوت