خلك جرح
بعيوني شلتك ضوه
وابروحي شلتك روح
گمطتك ابرمش الجفن
و انفاسي جوري اتفوح
ما ردتك اتضمد جرح
ابودي كلي أجروح
ما دام انته الجرح
خليني اظل أجروح
طبع گلبي
بعد كلبي ٠٠٠٠
مثل ما جان ٠٠٠٠٠٠٠
يعزف نغمته ونه
يخط امن النده جلمات
يطك الفرح من حزنه
ترف واتهزه النسمه
يغازل بالهوه النجمه
ونينه للفرح نغمه
يسولف بالصدك طبعه
مو بالكان ياما كان
بعد كلبي ٠٠٠
مثل ما جان٠٠!
اعتذار
اعتذر منك جي حفظت اسمك
او كتبت ابذكرياتي شوگ
او رسمت احروفه شذرة حب
او احضنته ابمحبه طوگ
طرت وياه صبح فيروز
فوك الفوگ
غنيته موال ونايل او جوبي
او عتابه اتلوگ
أمان اسمك كتبته ابعالم الوجدان
ما ظنيت يطلع بوگ