مثل نسمة على جرف الهور

عبرت شوگ الولايات

ضوّت عالجبل مشعل

مثل جنح الحمامة الجاي

متعني لـهله ويندل

لوديلك وعد ماينتهي طيبه

كرم من شجرة الصندل

مطر يتمازح ويه التل

وطير البر يسلم اعليك

هرفية حباري وهدهد مگذل

ومن جان الوكت بي خوف

ومن جان الجرح يثگل

أمس طيفك يهالخيال

بايت بالسماوة وياي

فرش بعيوني صلى ونام

وبجرف الصُبي غســـل

واذا يتعدل الميزان

يثبت صاحبه معدل

واذا يتبدل المفتاح

قفله وياه يتبدل

بس أنت قفل وأرقام

والمفتاح منه وبيه

وأنت المشكلة والحل

يـ وانتَه شلون ؟؟

أول من يوافي وآخر اليردون !

صبيرة وفة بلا ماي ماتذبل

لوافيلك عُمر وأنبعلك بشاره

وأكتبك عالنخل والحابسي مهدل

واذا طاب الجرح ونصير

واشداد الجرح يفتل

تلگة اعله الجروح آثار

عن هذا الوطن تسأل

وتلگه اعله الجروح ارسوم

وشمرسوم ؟؟

بيت وبيرغ على البيت

بيه جاكوج والمنجل

بيه جاكوج والمنجل

تحميل التطبیق علی موبایل اندروید و اپل