الى الشهيد (سائق التكتك) عبدالله وليد مويح

يا خيتي يا ام عبدالله

هذا ابنچ ربات الوطن يا خيتي

ربات الهور والدله

هذا نجمة ليل تضوي ادروب

حته گلوبنه لهذا الوطن تندله

هذا ابنچ صعد للغيم

صعدت روحه مشتاگه

والوطن ينده انجومه

يصيح بويه امنين ابوسك

وانته قندون العرس ومزوگ ازواگه

صافي صفات الفضه يا ريان

يل خدك ولا خيط الشمس من ينطي مشراگه

هذا بروحه شبت نار

من گاع الرميثه وتربة الانبار

من بصرة الطيبه وسارية ذي قار

من زلم التهد عالطوب بالمگوار

صهيل اخيوله الشگره رعد كزار

حوافرهه تلهب نار

وفوگ اسروج الكحيلات..

ما ينشاف..

بس سيف العراقي وحملة الكرار

* * *

هذا ابساحة التحرير

يسترجع مجد حطين

ويرسم للوطن نجمات

تتجسد هلال

بملحمة (تشرين)

عرض مقالات: