يا ساحة التحرير .. يا صوت العراقيين

يا بيت و كرامه .. و خبز  إل املايين 

    كل المُدن ثارت

    من الألم جارت

من ضيم و صبر .. من جور السنين

يا ساحة التحرير .. يا خبز العراقيين

       *       *       *        *

شنو ذنب الشباب .. و ذنب الأطفال

لا صحه لا تعليم .. لا حالهم حال

شظل من الوطن .. لا أمن لا مال

     ثوروا و عِيدوا الحساب

     أبو النهرين عالباب

ما يبرد أبد .. دم المساكين

يا ساحة التحرير .. يا بيت العراقيين

      *          *          *

ثوّروا و حاكموا .. كلمَنْ سطه و باگ

و مسحوا ادموع الیتامه .. و زرعوا الأشواگ

و على باب الوطن .. تتجمّع العشاگ 

    طبع بينه العراقيين

     أهل نخوّه و طيبين

و من يخلص صبرنه ..  ما نعرف اللين

يا ساحة التحرير .. يا صوت العراقيين 

       *          *          *

ثوّروا  و حاسبوا الفسّاد

ذوله الشوّهوا بغداد

أم كل العروبه وكل الأمجاد

ردّوا الكحل لعيونها

لون العشگ من لونها

و يرد باچر حلو .. يا ناسنه الحلوين

و بساحة التحرير .. و بعزم العراقيين

  03.10.2019 لندن

عرض مقالات: