دموعنه..
مانزلت اعله الوجن
محبوسه جوه الجفن
تلسع حرارتها ..
منهو اليأكد الخبر؟!
مروان الغى الزمن
عاف الشعر
عاف الاهل
والناس
والاحباب
وعيون الوطن
ويقرر بسرعة السفر
منهو اليأكد الخبر
البلبل الغريد اليغني بشجن
لو طيوره الطايرة بحضن السمه
وتمطر حزن
كل الوجوه الـ ابقاعة زها
مذهوله من هذا الخبر
كلبي يحضن بالسوالف
راسي يفتر بالسوالف
واسمع الصوت اليشك هذا السكون
مروووووووان
(بعدك بنص روح اعيش)
مرووووان ......... مرووووان
هوه هذا الصوت اكدلي الخبر
صوت حره اتعاتب الدنيا بحزن..
(لوعندج اخوان ما خذتي اخوتي)