/
/
/
/

الى الشهيد البطل سعدون -  وضاح حسن

في ذكرى استشهاده الـ 16

اسمك من يغازل كل ندى ومصباح

يطيح الليل والبارود،

محرابك بنفسج بالحزن خدران

طايف جمرك البردان

يرتلّك فجر سندان

وتركعلك الريح زنود !

يمرواح العشگ فلاح

يرفرفله جفن عينك وتر  قيثار !

تهوّسلك سنابل كوبا والأحرار

لمخاض الشمس تجادح هلاهل ثار

كحل للماي، نضال وصوت،

ابد (وضاح ) .. لا ..  متموت

خطواتك عصية بگصة التابوت!

روحك ضَحکة  امرايات موت الموت

رسمت الدرب جيل لجيل

خيالك طاف صدر سهيل

چاكوچك يشب نارين

من يسمع صهيل يعيل

عمى عين الصدى

المتكاسر بلادين

وبگاعك يهوّس عوسج وصفصاف

وحِسن الطين ماينشاف!

عنوان الوطن عاثر بظل النار

والدبجات للواوي بستار الغار!

العرس باچر  يصلي اسمك

مناجل دم ..

يصلي اسمك وتر قيثار ...

تحميل التطبیق علی موبایل اندروید و اپل