**********************

ألف مبروك  يا  حزب  الشغيلة / صـلاح  جبّار العوفـي

أغنية للحزب الشيوعي العراقي في ذكرى تأسيسه 85

ألف  مبروك  يا حزب  الشغيلـة

ألف  مبروك  ميـــــلاد  الشغيلة

يا حزب  فَهـد  وسلام .. بيك  نتحدى  الظـــــلام

إنغَـنِّـي  غِنوَة  للسلام  .. نِزرَع  البَسْمَه  الجَميلة

ألف  مبروك  يا  حزب  الشغيلة

*******

من  عِشگـناك  إو هُـوَينه  ..  مثلك  إحنَه  ما لگـينَه

شِفنَه  بعيونَـك  وطنَّــــه ..  والشعب  بِسمَـك  تِغنَّـــه

شْموع  ميلادَك  حِزِبنَـه .. ضَوَّت  إبــ إسمك  دَرُبنـه

خمسة  وثمانين  شمعــه ..  نِشعَــل  اليـوم  إلحِزِبنــه

وِنْطِـــش  وَرِد  لعيونـــه .. وشْمــا  طلب  نِهديـــــله

ألف  مبروك  يا حزب  الشغيله

*******

يابـُو  چَـف  أبيـض  أميـــن ..  تِبقـَـه  مرفـوع  الجَبيـــــــن

رايـــة  إنـــتَ  للنزاهـــــــه  ..  سيــــف  ضـــد  الفاسديـــن

يشهـــد  التاريـــــخ  إلنــــه  ..  وِلـْـمَسيرتنَــــه  النبيلـــــــــه

ألف  مبروك  يا  حـــــزب  الشغيلــــــة

*******

يا  شهيد  ..  الدنيا  بِـينَـه  شما  تـــــدور

وردة  حمرة  إنتَ  تزهي  عَلْ  صـــدور

انتَ  بَيــرغ  عالـي  يا  عِــز  الرفـــــاق

غالـي  دمَّــك  ،  كَحَّـل  عـيون  العــراق

إتْظِل  وِصِيتَـك  للرفــاق  أجمل  نشيــــد

بَرْواحنـه  نِبْنــي  الوَطـن  حُـــر وسعيــد

يستاهــــل  شعبنـــــا  الــــروح  نفديلــــه

ألـف  مبروك  يا  حزب  الشغيــلة

  ---------------- إنتهت  ----------------  

 ***************************

الشيوعية أقوى من الموت ...وأعلى من أعواد المشانق / إِبراهيم مايع طلال

حتَى يظَل حِزبك فهد.....مَ إرتَدَّيت

 لِلمّشنقه صامد چَنت .....من إمشَيت

لمَا إصعَدِت وإتقدمت....تِهتف چِنت

بسم الوَطن ما ساوَمت.....وإترجيت

أعلَى من عُود المَشنَقه... ظَل مَبدأك

والموت منك رجَف من شافك إتحَدَّيت

 يل رَدَّدِت  أحلا أغاني .......للوطن

حُر الوطن ....عايش سَعيد إتمَنيت

من الأعالي يابَطل.... نورَك سِطَع

صار الوَطن شَمس وگمر من طَلَّيت

نُور الشَهاده ظَل يِشِع... من وَجنِتَك

كل الوَطن خَضَر زَرِع. من ضَوَّيت

بعدامَك العاذل حِسَب...كِلشي إنطفه

بس ما حِسَب فِكرَك يِشع إبكِل بيت

يل ظَنَك يموت الحِزب... بالمشنَقه

ماتِفتِهم ..غم رايك... ..إشما ظنيت

جَلاّدك إبحقدَه إندِفَن........بالمزبله

وإنت رَمز ...فوگ الأعالي إتعَليت

رَمز الحِزب .تِبقَّه "فهد" طُول العُمر

دَمَّك غِدَّه نَهر الحِزب ,من ضَحَّيت

الطاغِيه مَهما كُبر........ ما يِنذِكر

وانت "فهد" إتْخَلَدِت.... حَيْ إبقَيت

بِيدك  حمامَّه شايِله...غِصن السِلم

بِي وَردَّه حَمره.... يافهد لَمن جِيت

شايِل حِلم كادِح چنِت......والدِيرِتك

خَطَّة عَمل مِتكاملّه ....إنت أَرسيت

خَيرات نَهرين وأرض. وَيْ الشَعب

أُوقائِد شَهِم أَحلَى وَطن ،چان إِبنَيت

بيك السياسه تِفتِخر..... وأهل العِلم

لأجل الوَطن لَن عَمرك الغالي إِنطَيت

مَمنون منك.. يافهد...... كل الشعب

دَرب النَصر بِيدك إلَّه ..من خَطيت

 *******************

الما عنده بيت الحزب بيته / سامي سلطان

الما عنده بيت

الحزب بيته

صاحب ضمير

امصفي نيته

يحب الوطن

ويعلي صيته

ما ينثني شامخ ابد

بيتك فهد

عامر ابد

خالد ابد

يبقى  شيوعي للأبد

بيت الفقير الما نسيته

اتعلي شانه

تريد انته

يلي ابدمك حميته

الماعنده بيت الحزب بيته

والرفاق أهله وهويته

والوطن وسط العيون

بالگلب عمرت بيته

تدري انت اشگد احبك

واليحبك عالي صيته

ياحزب صارم وحازم

يا حزب فهد وسلام

تبقى صامد عالي شانك

ما تهزك ريح سالم

والماله بيت الحزب بيته

الرفاق أهله وهويته

*****************************

نشيد الوطن / بلقيس خالد

لا سلام َ في وطنٍ

نشيدهُ عويل الثكالى

يا قلاع الثورات والانتصارات التي

تتعالى من رماد مرايا المفجوعات

وأنت تنتزع أبنائهن

تؤلمني رؤية رايتك

وهي تربط أبواب البيوت

كما تُربط علب الهدايا

بؤس اليتامى يؤلمني

الم يكن كافيا لأخذ الدم من وجه انتصاراتك

يتيم  قذف على شوارعك؟

 يا وطنا يتعالى يتعالى يتعالى

غبار ودخان

غادر الرجال

غادر الابناء

ونحن نجر خلفهم أقدمنا المتربة..

نحو افق مبهم

وفي كل البيوت معلق ظل الليل

في ارجاءها يقظة انفاس الميتين

غادر الرجال

غادر الابناء

ونحن نجر خلفهم ..

عين زنادك تحدق  اقدامنا

تهدم الخطوات

تتساقط من الاكف القلوب

وأي أم لولدها تلتفت

في عمق عينيها

ستجد نشيد سلامك يتوجع

ومرة ثانية تتنفس روحك في داخلي

وعلي جلدي سيمطر لسان جبهاتك

يمطر ثانية ناويا تمزيقي

وأنا ارى الابتهالات دائخات يبحثن عن سلامٍ

ياوطنا تمدد وامتد على جثث ابنائنا

تذّكر وانسج

 معلقة نشيدكَ مِن اسمائهم

***********************

اذار ربيع دائم / زاهر الشاهين

موسكو 2019

يحتفل الشيوعيون والمحبون والمناصرون لهم في العراق وبقية انحاء العالم اين ما تواجد كوادر وقواعد الحزب لإحياء الذكرى الخامسة والثمانين لتاسيس حزب الطبقة العاملة والكادحين العراقين وشغيلة الفكر.

اذار ربيع دائم

الله في كتابه اضاء

ارسل المصلحين والانبياء

كذلك كانت الفكرة

 فكان العراق

بدأت الخطوة الاولى

الشمعة الاولى

الشرارة الاولى

النهضة الاولى

حين اجتمع الرفاق

اديمقراية ام شيوعية ؟؟؟

ترسم في الافاق

شرفاء من رفع الهم

ولد الحزب للبناء لا للهدم

هذا الوطن سفينتنا

ملاحوها انتم وانا

فلنبحر نحو الشمس إن اردنا

والشعب نطعمه خبزا وعلما

بالفكر يرقى الانسان

يعلو اسم الوطن

به يزداد الايمان

أهازيج للميلاد / حسين جهيد الحافظ

 مزهريه

85 ورده

أو رايه حمره

منجل أوچاگوج بيهه

عانگ أحلام الزغار

طشت الفرحه هلاهل

طگت الظلمه نهار

هلهلت أم الشهيد

أو خضر الجوري سوالف

ترفه لبست جلنار

غنت الأيام اسمها

فرح وبأحله الأغاني

مطرزه أحلام وأماني

هوس المهوال بيرغ

نزعت الوادم حزنهه

غنوه ترفه بين أديه

( محله شهر آذار

وآخره امحليه

مثله أبد ما صار

حزبي أنولد بيه

************

مزهريه

85 ورده

أو رايه حمره

منجل أوچاگوج بيهه

حضنت عيون العراق

رسمت بدم الرفاق

بيرغ وصورة مناضل

غنت بشوگ السنابل

باست اسنون المناجل

للمراود بسته وشوگ ومحنه

اشتاگت اشفاف المكاحل

اليوم ميلادك هلاهل

يلي واعدت الرفاق

وصدگ وافيت الوعد

غردت حب السنين

صوغه لعيونك فهد

(حزبك فهد ما مات

خالد للابد)

***

مزهريه

85 ورده

أو رايه حمره

منجل أوچاگوج بيهه

أمطرزه أبدم الشهيد

من فهد أخذت شهامه

أو خذت من صارم مهابه

واستلهمت من حازم قصيد

كتبت الهمه قصايد

حنه بچفوف اليتامه

أو فرح عيد

بالعشگ طگت غوه

أو رسمت الضحكه نشيد

(سنمضي... سنمضي

الى ما نريد

وطن حر وشعب سعيد)

**********************

تراتيل- الى المناضل.. سلام عادل / وليد جاسم الزبيدي

عاندت عمراً وارتضيت جميلا

في ان تكون منارةً ودليلا

واتيت فخراً للتحرر مشعلاً

ونصبت فكراً للدنا ورسولا

واقتدت شعباً كان جوعاً هالكاً

ورسمت درباً للحياة اصيلا

حاربت حتى كان نهجك واحداً

وشمخت رمزاً بل حييت خليلا

منهاجك الثوري كان علامة

للثورة الكبرى وكان شغيلا

لا.. لم تصارعك المنون لأنها

خبرتك جرحاً نافراً وفتيلا

خبرتك احلام الطغاة مخاوفاً

اذ ما رضيت سوى علاك بديلا

وحملت صبرك للحًداة صبابةَ

بل رتلتك جموعنا ترتيلا

شيخ النضال وما تزال شبيبةَ

سوح النضال وما عركت سبيلا

كم مر عمر والحياة بخيلة

فيما منحت وكنت انت كفيلا

في ان تخُط حضارة لتحرر

في ان تزين مشارباً وعقولا

في ان تنوء بحمل كل كرامةٍ

في ان تكون الى الدجى القنديلا

ستظل نجماً والسماء رسالةً

ما زال حبل ندائها موصولا

*****************

أغنية آذار / د. ابراهيم الخزعلي

 

 

آذار ماهو شهر
ولاهو فصل ويمر
ولاهو حروف اربعه
نكتبها عل الأسطر
آذار هو الشمس
والقلم والدفتر
وآذار بيه الورد
يتفتح ويزهر
ولو ردنا آنه وياك
طول العمر نسهر
ون
گعدله ركبه ونص
يصويحب نفكر
نبقه احنه باول سطر
ما نگدر نعبّر
نبقه احنه باول سطر
ما نگدر نعبّر

 

*******************

 

آذار علمنه نحب

من جنه احنه زغار

وآذار جاب الورد

ويه الشمس للدار

وآذار خط الدرب

حتى نعيش آحرار

شتريد اكلك بعد

شتريد هنه كثار

آذار درب اليحب

 بي غيرة الأحرار

وشما كتبنه الكتب

او نتغنه  بالأشعار

كل بطل عند سفر

او ملحمه من الأيثار

والمشه بدربه فهد

 رايه اسمه للثوار

والمشه بدربه فهد

رايه اسمه للثوار

موسكو

************