التاريخ سجل كل حدث بالكون

وكتب مجد ونزاهة للشيوعيين

وانه شماكلت عنهم ما أظن وفيت

اصحاب الفكر ظلوا فخر للناس

الشيوعيين معروفين بالطيب

موقفهم بطولي وللشعب حراس

واحنه اليوم نحيي ذكرى السبعين

ذكرى اعدام يوسف جاسب النوماس..   (يوسف سلمان فهد)

ثلاثة للمشانق صعدوا ابلا خوف

فهد، حازم، وصارم النه رفعة راس

وتشهد ساحة المتحف على الثوار

فهد بيهة انعدم باعدامه دك الساس

يوم 14 بشباط ما ننساه

بيه أبشع جريمه نفذوها أنجاس

واكملهة البعث بثلاثة وستين

وبيان 13 خله الضحايا اكداس

ضحايا شباط ما ينساهم التاريخ

أهل نخوه وبطوله وتضحيه واحساس

ما ننسى سلام المات بالتعذيب

مشت روله اعلى جسمه ودمه ظل نبراس

ولا ننسى سلام وكل ضحايا شباط

ولا قصر النهاية المنه شاب الراس

الشيوعيين صبروا عالسجن والموت

وعاشوا عالامل ما استسلموا لليأس

علم يبقى الشيوعي ابساحة الثوار

ويبقى اسمه ونضاله للشعب مقياس