يا سلام أشكد احبك يا سلام

لان بيتك خيمه ... و جفوفك حمام

و رايتك بيها المصانع و المزارع و المحبه و الوئام

يا مسيره امطرزه بخيط البريسم

و نورها اشموع و تفلّش بالظلام

يا سلام ... اشكد كواكب غادرت صحوة الليل

و طيبتك ظلّت مثل بدر التمام

فوت باب المستحه ايهدم الحيل

و كثرة الطك طبعاً يفك اللحام

لا تنام ... العين ما تغمض

صعب جرح الكلام

السواجي اتموت لو عازت الماي

و انته صبرك علّم الدنيا الغرام

عيدك امبارك يبو الثوب النظيف

و يوم ميلادك يظل اجمل وسام

لمناسبة عيد ميلاده في 31 / آذار / 2018 .

عرض مقالات: